https://docs.google.com/spreadsheet/viewform?formkey=dGRuR2s3VTllWmNXYlN2UUxXTFFzNkE6MQ
Dauer/Duration: 3 hrs
Tarif: 25 €

1. PRAXIS:

bikerbasix

Du hues elo keng Loscht, hei säiteweis Theorie ze liesen? Du wëlls Action? Mir huelen eis gären Zäit, fir mat dir déi eng oder aner Techniksortie ze maachen, wou mer wéineg Fueren, a vill Probéieren! Serpentinen erop, erof, Noutbremsen, Passagen iwwert Obstaclen a.s.w. kenne mir alles maachen.



2.THEORIE::

1) Noutbremsen
Vielläicht eent vun deene wichtegste Kapitelen am Mountainbike ass d'Thema Noutbrems, dat heescht, an enger onverhoffter Situatioun esou schnell wéi méiglech de Bike un d'Stoen ze kréien, ouni dobäi de Kopplabunz ze schloen. Dozou soll fir d'Éischt gesot ginn, dass d'Bremskraftverdeelung zum gréissten Deel (c.a. 70 %) op där fiichter Brems läit (dat ass jo bei allen Gefierer esou). Fir dass dobäi dat fiicht Rad net ewech schmiert an ee ganz blöd mat der Nues an de Buedem geet, gehéiert heizou vill Fangerspëtzegefill.An deem Beräich, wou also dat fiicht Rad BAL blockéiert an dat hënnescht um Punkt ass, oofzehiewen, sollt d'Kiepergewiicht esou wäit méiglech no hanne verlagert ginn. Dat huet als Konsequenz dass de Bike hannen net esou séier ofhiewt (dir also net esou liicht no fir erof flattert) AN dass och d'Bremswierkung vum hënneschte Pneu ka matwierken.Hei sief och nach emol erënnert un den Drock am Pneu, deen ëm 2.00 Bar optimale Gripp vermëttelt.


2) Géien Uphill.

Villäicht hues du dech op enger Randonnée schon
gefrot, wéi déi Leit et maachen, déi all géi Montée erop kommen, egal wéi schmiereg oder stengeg se ass, ob géi oder mat Wuerzelen.... Fir dass de Bike weder hannen duerch dréit, nach sech fir hieft, muss d'Gewiicht esou verdeelt ginn, dass dat hënnescht Rad dauernd Gripp huet (dofir brauch et also nëmme BEGRENZT Kraaft) an dat fiicht Rad genuch Buedemkontakt fir ze lenken-muss also nëmme ganz wéineg sinn.Dës Setzpositioun gëtt am beschten
doduerch erreecht, andeems ee wäit no fir, op d'Spëtz vum Suedel rutscht (oho), an den Uewerkierper esou wäit no fir béckt (duerch d'Flexe vun den Ärem), dass ee bal an de Guidon ka bäissen. An Funktioun vum Terrain kann een dann ëmmer erëm liicht d'Positioun änneren, fir méi oder manner Traktioun um hënneschte Rad ze kréien. Och hei sief erëm drun erënnert, dass ee mat MANNER Drock am Pneu wesentlech méi Gripp kritt: eisen Tip: -+ 2.00 Bar.



3) Géien Downhill, héigen Oofsaatz erof fueren,Trapen erof fueren.
D'Biergooffueren, respektiv iwwert en héigen Oofsatz erof fueren, mécht ville Leit Angscht, ass awer net sou geféierlech
oder spektakulär wéi een of den Androck huet-wat, vun uewen gekuckt, aus der
Perspektive vum Biker dax respektaflössend ass, entpuppt sech als Peanuts, wann ee bis richteg an dee Biergof engagéiert ass. Et ass virun allem wichteg, mat der richteger Vitesse un sou eng Descente erun ze goen, net ze schnell (fir net oofzehiewen an duerno anzeschloe wéi eng Scud), awer och net ze lues, dass een d'Gläichgewiicht verléiert, an quasi an den Downhill trëllt.Och hei ass de Bleck wichteg: schnell de Wee "scannen", nom Ausgang sichen, op kee Fall eventuell Beem oder deck Steng mam Bléck fixéieren, soss geet et riicht do dran!. Soubal dat fiicht Rad an de Biergof kennt, de Bike also no vir erof kippt, muss den Biker dëst ooftauchen duerch en Verlagere vum Kierpergewiicht no hanne kompenséieren. D'Bremse ginn heibäi ganz doséiert gedréckt, déi viischt mat ganz vill Gefill, an och dat hënnescht Rad soll net hannert dem Biker gerutscht kommen.Am Ausgang vun der Descente net vergiessen, d'Kierpergewiicht nees iwwert de Vëlo ze verlageren, soss kéint een, no der Descente, ënner Ëmstänn um Réck landen, wann de Vëlo engem no vir tëscht de Been fort geet.


4) Serpentinen erof fueren
D’Serpentinen, also ganz enk a scharf Kéieren, oft kommen der e puer hannert eneen, schrecke vill
Biker oof. Déi ginn da léiwer e puer Schratt zu Fouss, wéi de Risiko anzegoen, sech ze tässelen. Dobäi ass d’Technik, fir des Kéieren ze fueren, denkbar einfach a logesch: Grondsätzlech sollt een (bei all Richtungswiessel) de Kapp an d’Richtung dréien, an déi ee wellt fueren-doduech gin d’Schelleren anengems matgedréit, an de Guidon follegt deser Bewegung an déi gewenschte Richtung. Liicht bis vill hannert de Suedel goen ass och je no Schréit vum Terrain sennvoll. An der Kéier sollt op Bremse verzicht ginn, well dest dax de Bike hannen oder fir zum Rutsche brengt an en seng Manövréierfähegkeet verléiert.



5) Serpentinë bierg op fueren
Net ganz aanescht wéi e géie Biergop, ass bei der Serpentine bierg op d'Setzposition
wichteg: genuch Drock um Guidon fir dass dat fiicht Rad nach kann em den Eck dréinen, an genuch Drock um hënneschte Rad fir Traktioun ze hunn. De Gang sollt net ze schwéier gewielt gin, well hei en fléissend Pedaléiere wichteg ass fir d'Gläichgewiicht ze behalen. De Bléck, genau wéi bei der Serpentine biergof, gehéiert e puer Meter virun dat fiicht Rad, genau dohi wous de wëlls fueren!! Soubal's de iwwert d'Halschent vun der Kéier ewech bass, Kapp hiewen a bewosst an d'Richtung Trail dréinen.



6) Obstakel iwerfueren
Du fiers e Bier erop..bass scho frou dass de en bal gepackt hues..an da steet sou eng Wuerzel de quesche Wee iwert den Trail, du fiers mam fiichte Rad dewidder, an dann ass Schluss.. Daat muss net sin, mir weisen der, wéis de, bierg of an bierop, licht iwert en Hinderniss ewech kenns, sief et am Stoen, oder am Setzen!


7) STS-SINGLETRAIL SCALA
Waat zum Henker ass dat? E puer Däitscher hunn sech ameséiert, d'Singletrailen (deutsche Gründlichkeit!!) anzeklasséieren, hei wat dobäi eraus kennt: STS Ech 
iwwerloossen awer jidderengem dovun ze hale wat en well!




Wann de Formular net richteg ugewise gëtt klicken einfach op folgende LINK